יה שמע אביוניך
ר' יהודה הלוי ספרד מאה 11-12

יָהּ שְׁמַע אֶבְיוֹנֶיךָ    הַמְחַלִּים פָּנֶיךָ
אָבִינוּ לְבָנֶיךָ         אַל תַּעְלֵם אָזְנֶךָ

יָהּ עַם מִמַּעֲמַקִּים     יִקְרְאוּ מֵרוֹב מְצוּקִים
אַל נָא תְּשִׁיבֵם רֵקִים   הַיּוֹם מִלְּפָנֶיךָ     יה שמע...

הַוּוֹתָם וַעֲוֹנָם     מְחֵה וְרֻבֵּי זְדוֹנָם
וְאִם לֹא תַעֲשֶׂה לְמַעֲנָם עֲשֵׂה צוּרִי לְמַעֲנֶךָ    יה שמע...

וּמְחֵה הַיּוֹם חוֹבָם      וּרְצֵה כְּמוֹ שַׁי נִיבָם
וּלְךָ תָּכִין לִבָּם            וְגַם תַּקְשִׁיב אָזְנֶךָ      יה שמע...

דִּמְעַת פְּנֵיהֶם תִשְׁעֶה וְתֶאֱסוֹף עֵדֶר תּוֹעֶה
וְתָקִים לְךָ רוֹעֶה        וּפְקוֹד בְּטוֹב צֹאנֶךָ     יה שמע...

הוֹלְכֵי בְּדֶרֶךְ נְכֹחָה      תְּבַשְּׂרֵם הַיּוֹם סְלִיחָה
וּבִתְפִלַּת הַמִּנְחָה        הַמְצִיאֵם חִנֶּךָ יה שמע...

יה שמע אביוניך